Situata pas tërmetit, Rama i kërkon ndihmë inxhinieres Luljeta Bozo

05 dhjetor 2019 | 19:28

Kryeministri Edi Rama mbajti një takim në zyrën e tij me ish-pedagogen e fakultetit të Inxhinierisë së Ndërtimit, njëkohësisht edhe inxhiniere, Luljeta Bozon, së cilës i kërkoi ndihmë sa i takon fazës së ekspertimit të godinave të dëmtuara në tërmetin e 26 nëntorit.

Në takimin që pati në fokus dëmtimet e tërmetit u tha se deri më tani nuk është dënuar asnjë arkitekt apo inxhinier si përgjegjës për dëmet e shkaktuara. Bozo u shpreh se licencat e inxhinierëve apo arkitektëve nuk duhet të jepen nga ministria por nga Urdhri i Inxhinierëve.

“Duhet të ecim me një platformë se si të organizohet ndërtimi. Nuk ka një të dënuar për cënimin e lejes së ndërtimit. Më jep energji. Ishalla në moshën tuaj unë kam gjysmën e energjisë suaj. Jeni një burim sigurie më shumë për njerëzit. Ne po bëjmë një paketë të standardeve të riparimeve”, u shpreh Rama.

Luljeta Bozo është tanimë një figurë mjaft popullore për publikun shqiptar, prej reagimeve të saj të shumta sa i takon çështjes së standardeve të ndërtimit në Shqipëri.

#TiNukDoJeshKurrëVetëm?????Kryeministria – Falenderim i posaçëm inxhinieres, Luljeta Bozo, e cila vullnetarisht u përball me argumenta shkencorë e me kulturë të lartë qytetare, në tendat e debateve absurde mediatike gjatë ditëve më të rënda, duke ndikuar pozitivisht mbi shpirtrat e trazuar dhe mendjet e ngritura të njerëzve të zakonshëm?#RESPEKT?https://e-albania.al/dhuro/

Gepostet von Edi Rama am Donnerstag, 5. Dezember 2019

Lajme të sponsorizuara

Të fundit
Kryeministri në detyrë, Ramush Haradinaj,  përmes një postimi në rrjetin…