![](https://www.epokaere.com/wp-content/uploads/2018/07/37792889-1430377830397298-6388444178384158720-n-1_1532627484-3485156.jpg)
Sot bëhen homazhe për Adem Demaçin
27 korrik 2018
| 10:57
Homazhet për veprimtarin e shquar të çështjes kombëtare, Adem Demaçin do të organizohen sot me fillim nga ora 12:00 në hollin e Kuvendit të Kosovës.
Homazhet e qytetarëve pranë arkivolit të Adem Demaçit do të bëhen deri në orën 20:00.
Kuvendi i Kosovës gjithashtu do të mbajë një seancë komemorative me fillim nga ora 11:00.
Demaçi ka ndërruar jetë mesditën e së enjtes në moshën 82-vjeçare pas një sëmundje të rëndë. Ai ka qenë i burgosur politik për 28 vjet gjatë jetës së tij dhe më pas ka qenë i njohur si “Mandela i Ballkanit”.