As ai vetë nuk e di se çfarë fjalësh do të kishte bërë bashkë për të justifikuar një rezultat që deri në minutën e 67-të ishte 2-0 në favor të Gjermanisë. Barazimi spektakolar në “Wembley” duket se e çliron edhe Gareth Southgate nga presioni i ditëve të fundit. Dhe në përfundim të këtij edicioni të Ligës së Kombeve për skuadrën e tij, anglezi pranon se pas këtij momenti të vështirë skuadra do të reflektojë dhe e ka bërë që këtë javë me karakterin që tregoi kundër Gjermanisë.

“Si grup, skuadra është bashkuar këtë javë. Ka qenë një periudhë e vështirë për ta. Ata janë rritur. Po i drejtohemi Kupës së Botës dhe, në një pikë ti do të ekspozohesh ndaj presionit. Këtë javë ne kemi mësuar shumë. Lojtarët kanë bërë një hap përpara dhe si grup janë bashkuar më shumë”, ka thënë Southgate.

Në lidhje me ndeshjen ai pranoi se ishin gabimet e Anglisë ato që sollën golat e rivalëve.

“Në këtë ndeshje bëmë disa gabime që na kushtuan golat e pësuar. Por unë jam i fokusuar në faktin se lojtarët tanë luajtën menjë shpirt të jashtëzakonshëm. Ata treguan besimin që nuk e kishim parë në ndeshjet e fundit. Mendoj se tifozët mundën ta shihnin këtë dhuratë e mbështetën skuadrën. Poup gaboi sigurisht. Morali i tij është në tokë, por skuadra duhet të qëndrojë bashkë për atë që ka bërë këtë javë. Nuk duhet të ndalemi te gabimet individuale, por te gjërat pozitive dhe bazën që duhet ta shfrytëzojmë për t’u përmirësuar në prag të Botërorit”, ka shtuar Southgate.