Steven Scalise, kongresmeni nga shteti i Louisiana-s, do të jetë kandidati i ri republikan për të marrë drejtimin e Dhomës së Përfaqësuesve në SHBA.

Votimi ishte 113-99 në favor të tij midis republikanëve dhe disa ligjvënës u kanë thënë tashmë mediave amerikane se synojnë të votojnë për kundërshtarin e tij Jim Jordan në foltore.

Scalise ishte shumë më tepër se një kandidat tradicional në këtë garë. Ai përparoi përmes udhëheqjes së partisë, ndërtoi një reputacion si një grumbullues i mrekullueshëm fondesh dhe u përpoq të ndërtonte lidhje me gamën e plotë të grupeve dhe zonave të interesit të partisë.

Jim Jordan ishte i huaji, i cili u bë i famshëm me paraqitjet konservatore televizive, retorikën bombastike dhe fjalimet konfrontuese në seancat dëgjimore të komisioneve.

Jordani u mbështet gjithashtu nga Trump, gjë që në fund nuk ishte e mjaftueshme për ta vënë atë në krye. Kjo sugjeron që, kur dyert mbyllen dhe fletëvotimet janë të fshehta, ndikimi i ish-presidentit brenda partisë – të paktën në Dhomën e Përfaqësuesve – nuk është aq i fortë sa mund të tregojë popullariteti i tij në sondazhe.

Megjithatë, puna e Scalise është larg të qenit të kryer.

Tani ai duhet të sigurohet që të paktën 217 nga 221 republikanët ta mbështesin atë kur Dhoma e Përfaqësuesve të mblidhet për të votuar kryetarin. Ngushtësia e shumicës republikane ishte zhbërja e ish-kryetarit Kevin McCarthy. Scalise do të duhet të demonstrojë një shkathtësi politike nëse dëshiron të shmangë një fat të ngjashëm.