Syla: Duhet të dyfishohet prodhimi që të kemi stabilitet financiar në “Trepçë”

14 mars 21:47

Kryesuesi i Bordit të “Trepçës”, Ardian Syla, pas nënshkrimit të marrëveshjes sot me ministrin e Zhvillimit Ekonomik Valdrin Lluka, ka thënë se në “Trepçë”, duhet të dyfishohet prodhimi aktual, në mënyrë që sipas tij, të ketë stabilitet financiar. “Me prodhimin aktual, kjo ndihmë financiare i zbut problemet financiare për vetëm disa muaj pasi që pagat janë shpenzimi më i madh në ndërmarrje, kurse prodhimi nuk mbulon këtë shpenzim”.

Syla e ka falënderuar ministrin Lluka, për siç ka thënë ai “angazhimin tij të palodhshëm në funksionalizimin dhe rivitalizimin e “Trepçës”’.

Postim i plotë i Sylën në profilin e vet në “Facebook”:

Sot, së bashku me ministrin e Zhvillimit Ekonomik Valdrin Lluka dhe drejtorin e Departamentit të Minierave pranë MZhE-së, Skender Sallahi nënshkruam Marrëveshjen e Monitorimit dhe Kontrollit me të cilën ndërmarrja “Trepça”, vazhdon të përfitojë ndihmë financiare në kategoritë për investime kapitale, si dhe mjete për subvencione.

Falenderojmë ministrin Lluka për angazhimin e tij të palodhshëm në funksionalizimin dhe rivitalizimin e “Trepçës”.

Me prodhimin aktual, kjo ndihmë financiare i zbut problemet financiare për vetëm disa muaj pasi që pagat janë shpenzimi më i madh në ndërmarrje, kurse prodhimi nuk mbulon këtë shpenzim.

Prodhimi aktual duhet të dyfishohet në mënyrë që të kemi një gjendje stabile financiare dhe që “Trepça”, të jetë promotor i zhvillimit ekonomik duke ndihmuar ekonominë e Kosovës dhe jo të jetë barrë e shtetit të Kosovës.

/Epoka e re/

Lajme të sponsorizuara

Të fundit
Shefi i Grupit Parlamentar të LDK-së, Avdullah Hoti, ka kërkuar…