Ambasadori i Bashkimit Evropian (BE) në Kosovë, Tomas Szunyogu  është takuar të hënën me përfaqësues të pakicave për të diskutuar rolin dhe mbështetjen e tyre në implementimin menjëhershëm, siç ka thënë ai të marrëveshjes për normalizimin e raporteve mes Kosovës dhe Serbisë.

“Takova sot përfaqësues të komuniteteve joshumicë nga Kuvendi i Kosovës dhe Qeveria për të diskutuar rolin dhe mbështetjen e tyre për zbatimin e menjëhershëm të Marrëveshjes në rrugën e normalizimit ndërmjet Kosovës dhe Serbisë dhe funksionimin e Kuvendit”, ka shkruar ai në “Twitter”.

Më tutje, Szunyogu, është shprehur se roli i pakicave është vendimtar për demokracinë në Kosovë, si dhe rrugën Evropiane

“Përfaqësuesit e komuniteteve pakicë janë pjesë e rëndësishme e strukturës politike të Kosovës dhe luajnë një rol vendimtar përfaqësues në demokracinë e Kosovës. Kontributi i tyre në arritjen e progresit në rrugën e integrimit të Kosovës në BE është i domosdoshëm”, ka shkruar Szunyogu.

Kujtojmë se marrëveshja e 18 marsit e dakroduar në Ohër, parasheh edhe rregullim të ri të komuniteteve në Kosovë, me theks të veçantë, neni 7 i cili parasheh “vetmenaxhimin” e komunitetit serb.

Met today representatives of non-majority communities from the 🇽🇰#Kosovo Assembly and the Government to discuss their role and support for the immediate implementation of the Agreement on the path to normalization between Kosovo and Serbia and the functioning of the Assembly. pic.twitter.com/c9e6ySaXq9

— Ambassador Tomáš Szunyog (@EUAmbKS) March 27, 2023