Të shtunën varroset veprimtari studentor i ’97-s në Mitrovicë, Ali Ahmeti

23 shtator 06:02

Valdete Idrizi, drejtoreshë për Kulturë, Rini e Sport në komunën e Mitrovicës, ka bërë me dije se ceremonia e varrimit të veprimtarit studentor të ’97-s, Ali Ahmeti, do të organizohet më 24 shtator, ditën e shtunë, në orën 16:00 në varrezat e dëshmorëve dhe veteranëve të UÇK-së në Shipol të Mitrovicës.

“Në nderim të tij dhe veprimtarisë së tij, në të njejtën ditë, në Qendrën e Kulturës ‘Rexhep Mitrovica’, do të organizohen homazhe dhe mbledhje komemorative; 14:00 homazhe, 15:00 mbledhje komemorative dhe 16:00 ceremonia e varrimit”, ka njoftuar drejtoresha Idrizi.

Ai ishte për trajtim mjekësor në Gjermani, ku edhe ndërroi jetë.

Ali Ahmeti ishte edhe ish-pjesëtar i Ushtrisë Çlirimtare të Kosovës.

Familjen Ahmeti e kanë ngushëlluar ish liderët studentor të demonstratës së 1 tetorit 1997, Muhamet Mavraj, Bujar Dugolli dhe Driton Lajçi dhe përfaqësues të institucioneve komunale në Mitrovicë.

Lajme të sponsorizuara

Të fundit
MZHR-ja dhe delegacioni nga Ministria e Teknologjisë dhe Industrisë nga…