Tensione në NATO për ndërhyrjen turke në Siri

23 tetor 2019 | 23:35

Takimi i ministrave të Mbrojtjes në NATO, ditën e enjte, duhet të zgjidhë dallimet që janë shfaqur në Aleancë pas operacionit të nisur nga Turqia, një prej anëtarëve të saj, në verilindje të Sirisë, njoftoi sot sekretari i përgjithshëm i NATO-s, Jens Stoltenberg.

“Nuk mund të mohojmë se ka mosmarrëveshje. Mosmarrëveshjet midis aleatëve janë problematike dhe kjo është arsyeja pse ne kemi nevojë për një diskutim të sinqertë dhe të hapur në mbledhjen e ministrave”, shpjegoi ai.

Jens Stoltenberg refuzoi ta dënojë ndërhyrjen ushtarake turke, nisur më 9 tetor nga presidenti turk Recep Tayyip Erdogan kundër milicisë kurde. Nga ana tjetër, ai këmbënguli në shqetësimet e ligjshme për sigurinë të paraqitura nga Turqia, si arsye për kryerjen e këtij sulmi./ATSH/

Lajme të sponsorizuara

Të fundit
Gjilani e ka distancuar veten nga sulmi fizik i kryer…