Hoti paralajmëron dërgim të shpejtë në Kuvend të Ligjit për tërheqjen e 10% të parave nga Trustit

13 korrik 2020 | 20:54

Kryeministri i Kosovës Avdullah Hoti,  u tha deputetëve se së shpejti do të kenë në Kuvend ligjin për tërheqjen e 10% të mjeteve nga Trusti.

“Do të ju vjen shpejt në Kuvend ligji që mundëson tërheqjen e 10 për qind të mjeteve nga Trusti Pensional bashkë edhe me masat e tjera për ndryshimin e ligjit për AKP-në dhe një sërë ligjesh tjera që mundësojnë realizimin e masave të rimëkëmbjes ekonomike”, u shpreh Hoti para deputetëve.

Gjithashtu, ai paralajmëroi se gjithçka është gati dhe me miratimin e rishikimit të buxhetit menjëherë do të ekzekutohen pagesat prej 170 dhe 130 eurosh.

“Rishikimin e buxhetit e kemi trajtuar me prioritet, e kemi sjell në Kuvend dhe më vjen mirë që kaloi në lexim të parë dhe unë pres që brenda javës të sjellët në seancë për të kaluar në lexim të dytë dhe pastaj të shkojmë menjëherë me pagesën e 170 eurove dhe 130 euro”, shtoi Hoti.

Qeveria e Kosovës, ka planifikuar ndryshimet ligjore të Trustit për tërheqjen e 10 për qind të kontributeve pensionale para moshës së pensionit. Hoti, në programin qeverisës në një nga masat e pakos së rimëkëmbjes ekonomike, ka paraparë ta fusë në ekonomi një përqindje të këtij fondi.

Lajme të sponsorizuara

Të fundit
Një grup kërkuesish shkencorë nga SHBA, Meksika, Spanja dhe Italia,…