Tërmet edhe në Itali

08 dhjetor 2019 | 21:43

Tre tërmete brenda vetëm 30 minutash u regjistruan mbrëmjen e të shtunës në afërsi të Aquilas në Itali.

Lëkundja e parë është ndjerë rreth orës 22.55 të mbrëmjes, me manjitudë 3.7 të shkallës rihter me epiqendër vetëm 2 km larg qytezës barete, me thellësi 14 km nën sipërfaqen e tokës, dhe 17 km larg nga L’Aquila.

Pak minuta më vonë, në orën 23:16 minuta është regjistruar një tjetër lëkundje e manjitudës 3.4 të shkallës rihter me epiqendër përsëri në Barete e me thellësi 13 km nën tokë. Ndërsa lëkundja e tretë, është regjistruar në orën 23:22 minuta, e një manjitude më të ulët, me manjitudë 2.2 të shkallës Rihter.

Të shumta kanë qenë telefonata e banorëve në Departamentin e Mbrojtjes Civile e të zjarrfikësve. Paniku dhe frika kanë bërë që banorët e zonës të kalojnë natën jashtë, në qiell të hapur, ndërkohë që nuk ka patur informacione për dëme në banesa apo njerëz të lënduar.

Por, lëkundjet e tokës janë veçanërisht tronditëse në këtë zonë duke pasur parasysh se 10 vite më parë, në L’aquila, një tërmet me manjitudë 6.3 të shkallës rihter, rrafshoi qytetin dhe i mori jetën 309 personave dhe plagosi 1600 të tjerë.

Fjalët Kyçe:

Lajme të sponsorizuara

Të fundit
Kur kanë kaluar 13 ditë nga tërmeti me pasojë humbjen…