Presidenti i Kosovës, Hashim Thaçi është duke qëndruar në Peyong Chang ku po mbahen Lojërat Olimpike Dimërore.

Thaçi ka njoftuar se sot ka vizituar ekipin olimpik të Kosovës, duke i uruar suksese Tahirit.

“Në fshatin olimpik të Pyeongchangut, sot vizitova ekipin olimpik të Kosovës. Skiatorit kosovar, Albin Tahirit, i urova suksese në garat që do t’i zhvillojë në ditët e ardhshme. Vetë pjesëmarrja e tij dhe e Kosovës në Olimpiadë, është një fitore e madhe për shtetin tonë”, ka shkruar ai në profilin e vet në “Facebook”.

Ndryshe, Albin Tahiri do të garojë në pesë disiplina.