Kryetari i Komisionit për organizimin e PDK-së në Mërgatë, deputeti Elmi Reçica, po qëndron në Finlandë. Ai ka takuar mërgaten atje si dhe strukturat e PDK-së. Reçica në llogarinë e vet ka njofruar së është themeluar edhe këshilli për Organizimin e Kuvendit të PDK-së në Finland.

“Me një organizim shumë domethënës për Partinë Demokratike të Kosovës në Finlandë, u themelua Këshilli për Organizimin e Kuvendit. Ky këshill prej 24 anëtarësh, do të kryesohet nga Dren Koci, i cili u zgjodh kryetar.”, ka shkruar ndër tjera Reçica.

Njoftimi i plotë:

Themelohet Këshilli për Organizimin e Kuvendit të PDK-së për Finlandë.

Me një organizim shumë domethënës për Partinë Demokratike të Kosovës në Finlandë, u themelua Këshilli për Organizimin e Kuvendit. Ky këshill prej 24 anëtarësh, do të kryesohet nga Dren Koci, i cili u zgjodh kryetar.

Një hap i tillë shënon një angazhim të fortë për përmirësimin dhe organizimin e aktiviteteve të PDK-së në këtë vend, duke ndihmuar në ndërtimin e një prezence të fortë dhe të koordinuar me mërgatën tonë në Finlandë.