Tirana pëson humbje me rezultat 1-0 nga Dudelange
06 korrik 2022
| 22:27
Tirana ka pësuar humbje 1-0 ndaj Dudelange në kuadër të raundit të parë të eliminatoreve për Champions League.
Ndeshjen e vendosi goli i sulmuesit Mohcine Hassan Nader në minutën e 71.
Përballja u mbyll më herët për Vesel Limajn i cili u ndëshkua me karton të kuq dy minuta para pësimit të golit.
Gjithsesi, edhe Dudelange luajti me një lojtar më pak pothuajse gjatë gjithë pjesës së dytë, pasi Kirch u përjashtua po ashtu nga loja.
Tirana do ta kërkojë përmbysjen në ndeshjen e radhës që luhet në Shqipëri.