Tomë Gashi: Është paraqitur një person që ka njohuri për rastin e Astrit Deharit
21 tetor 2020
| 13:56
Avokati i familjes Dehari, Tomë Gashi, ka mbajtur sot një konferencë për medie në të cilën ka shpalosur disa detaje të reja për hetimet në rastin e Astrit Deharit.
Gashi ka thënë se është paraqitur një person tjetër që ka njohuri siç tha ai të jashtëzakonshme për rastin Dehari.
“Ai ka deklaruar, po ashtu ka qenë jashtëzakonisht i frikësuar që ka pas gjëra jo të zakonshme”,ka thënë Gashi.
Po ashtu, Gashi ka thënë se është paraqitur edhe një avokat që ka qenë prezent në ditën kritike në Qendrën e Paraburgimit në Prizren.
Avokati Gashi ka akuzuar prokurorinë se ka mbajtur të fshehtë se dy javë më parë është bërë një rikonstruim i vendit në të cilin sipas Gashit është vrarë Dehari.