Uellsi fitoi 2-0 ndaj Turqisë dhe numëron 4 pikë në Grupin A të “Euro 2020”. Të dielën zhvillohet ndeshja ndaj Italisë, rreth së cilës flet Robert Page, trajneri i kombëtares së Uellsit.

“Do të ishte fantastike nëse ia dalim të kualifikohemi në raundin tjetër me katër pikë, por kemi filluar të fokusohemi dhe mendojmë për ndeshjen me Italinë. Do të përgatis një formacion sa më konkurrues, me synimin për ta mposhtur Italinë. Ne luajmë gjithmonë për fitore, kështu do të ndodhë edhe të dielën”, ka thënë Page.