Trashësia ka arritur në një metër, norvegjezët gërmojnë dëborën për të hyrë në shtëpitë e tyre (Video)
Vendet nordike janë përballur gjatë ditëve të fundit me të ftohtin arktik, me temperaturën më të ulët në 25 vite, -44.3 gradë Celsius, në Enontekio. Në Norvegjinë jugore, reshjet e dendura të borës e kanë vështirësuar jetën e përditshme për njerëzit.
Në Grimstad, 275 km në jug të Oslos, shkollat u mbyllën të enjten, ndërsa bashkia filloi punën për të pastruar borën.
“Nuk mund të gjejmë derën. Kjo është çmenduri, “tha Ellen Brunborg, drejtoreshë në shkollën e mesme të Grimstad, teksa po gërmonte borën në kërkim të hyrjes së stafit në shkollën e saj.
“Ka të paktën 1 metër borë”, tha ajo.
Autoritetet u kërkuan shoferëve që të kenë kujdes shtesë në trafik për ditët në vijim pasi punëtorët pastrojnë grumbujt e borës.
Për herë të parë sot temperatura në rajonin e Oslos shënoi -30 gradë Celsius, me -31.1 gradë të regjistruar në Bjernholt, në veri të kryeqytetit norvegjez, sipas të dhënave të Shërbimit Meteorologjik Norvegjez.
@worldweathernews24htv Απίστευτες εικόνες: 1,50 μέτρο χιόνι στο Arendal της Νορβηγίας 2-1-24 ?️?️???. ? Πηγή βίντεο: Karīna Kinšakova.
