Tri klube italiane e duan Matan
24 shkurt 2021
| 15:36
Juan Mata duket se do të largohet nga Manchester United në fund të këtij edicioni. Mesfushori spanjoll nuk është në planet e Ole Gunnar Solskjaer dhe po kërkon aventurë të re.
Sipas asaj që raporton “The Sun”, Mata mund të largohet nga United, por nuk do të ulë nivelin e lartë të klubeve. Mediumi anglez bën të ditur se Juventusi, Roma dhe Interi janë futur në garë për t’i marrë shërbimet e tij.
Lojtari 32-vjeçar është i gatshëm që të testojë vetën në Serie A dhe do të ketë mundësi që të fitojë edhe trofe. Antonio Conte thuhet se e pëlqen lojën e spanjollit qysh nga koha kur ishte në Ligën Premier si trajner i Chelseat. Një simpati për të ka edhe Andrea Pirlo që po ashtu e preferon transferimin e tij në “Allianz Stadium”.