Trajneri i Chelseat, Thomas Tuchel fajëson gabimet e shumta skuadrës së tij për humbjen me Arsenalin.

Trajneri gjerman ka vlerësuar se Chelsea bëri gabime të tilla edhe në ndeshjet tjera kundër Realit të Madridit dhe Brentfordit.

“U shënuan 6 gola dhe ne humbëm 4-2. Bëmë shumë gabime dhe e ftuam kundërshtarin të shënonte. Nuk më kujtohet ndonjë gabim në favorin tonë të këtij kalibri. Nuk i fitojmë ne këta gola, por i dhurojmë dhe e bëjmë në ndeshje radhazi. Fakti që barazuam dy herë dhe e hodhëm sërish ndeshjen në erë është zhgënjyes. Arsenali e ndryshoi taktikën tri herë, provuam edhe ne. Por duke bërë gabime individuale dramatike si te goli i parë, i dytë dhe i katërt, është shumë e vështirë të luash kur i ke dhënë avantazhin 3-0 kundërshtarit. Këtë bëmë edhe ndaj Realit të Madridit dhe Brentfordit. Lukaku? Nuk më intereson të flas për paraqitje individuale pas paraqitjeve të tilla”, ka thënë Tuchel.