Pas një dite trajtim në Qendrën Klinike Universitare të Kosovës, gruaja që u lëndua në aksidentin që ndodhi në rrugën “Dardania” në Fushë-Kosovë ka ndërruar jetë. E ndjera është goditur nga një veturë mëngjesin e 15 prillit.

Bëhet fjalë për një 76-vjeçare, vdekjen e së cilës e ka konfirmuar ekipi mjekësor në klinikën ku po trajtohej.

Viktima nuk arriti t’u bëjë ballë plagëve të rënda që mori dhe vdiq dje në mesditë.

Lidhur me rastin është njoftuar edhe policia dhe më pas trupi i pajetë është tërhequr për t’u dërguar në IML për obduksion.