Është varrosur sot Seldin Aliu, që ditë më parë humbi jetën në vendin e tij të punës.

Në ceremoninë e varrimit po marrin pjesë qindra qytetarë, familjarë si dhe përfaqësues të Sindikatës së Punëtorëve të sektorit privat (SPSP),  bashkë me kryetarin e kësaj sindikate, Jusuf Azemi.

Seldin Aliu, 17, nga fshati Lubizhdë i Prizrenit, punonte në Fabrikën e Stiroporit në Mushnikovë të Prizrenit.

Në një komunikate të SPSP-së, thuhet se për mosrespektim të kodit të punës nga shtetit tani edhe fëmijët kanë filluar ta humbin jetën nga neglizhenca e Ministrisë së Punës.