Kandidati për kryetar të Prishtinës, Uran Ismaili sot ka nisur realizimin e iniciative tjetër shumë unike.

Ai ka njoftuar se ka filluar një aktivitet 24-orësh, pa ndërprerje të takimeve, vizitave dhe diskutimeve me njerëz e institucione që kryejnë shërbime 24/7, për nevojat e qytetarëve.

“Kjo është një sfidë personale, edhe për mua. Por unë jam i shtyrë nga bindja ime e fortë: puna e Kryetarit është 24/7. Për mua nuk ka mënyrë tjetër për ta bërë transformimin e madh të qytetit”, ka thënë Ismaili.

Ismaili ka thënë se qytetarët nuk meritojnë asgjë më pak se një kryetar komune i cili është 100 përqind i përkushtuar për të rregulluar problemet e tyre.

Ismaili e ka nisur ditën me një Konferencë për Media në orën 08:00, dhe gjatë 24 orëve në vazhdim do të zhvillojë një mori të takimeve të pandërprera gjatë 24 orëve, dhe në fund ta përmbyllë përsëri me një konferencë tjetër.