E mbijetuara e dhunës seksuale gjatë luftës së fundit në Kosovë, Vasfije Krasniqi ka treguar më shumë rreth kësaj teme në “Ditën e të Mbijetuarve të Dhunës Seksuale gjatë luftës së fundit në Kosovë” më 14 prill.

14 prilli shënon Ditën e të Mbijetuarve të Dhunës Seksuale gjatë luftës së fundit në Kosovë.

Vasfije Krasniqi, e mbijetuar e dhunës seksuale, në emisionin “FIVE” në RTV Dukagjini, ka thënë se kjo datë për të është e rëndësishme sepse që prej 24 vitesh e ka përjetuar me dhimbje e vuajtje.

Për marshin e sotëm në Prishtinë Krasniqi ka thënë se mund të kishte dhe më shumë njerëz në marsh por sipas saj, institucionet tashmë po zgjojnë më shumë interes.

“Para vitit 2018 ka qenë një temë shumë tabu për shoqërinë tonë për me fol për dhunën seksuale gjatë luftës në Kosovë…Shoqëria jonë veçse ka fillu me na përkrah më shumë edhe me u solidarizu me neve”, ka thënë Krasniqi.

“U bë pak punë për viktimat e dhunës seksuale gjatë luftës”, ka thënë tutje Vasfije Krasniqi.