Vela: Serbët e Kosovës nuk i’u bashkuan masivisht protestës në veri, njësoj si ne edhe ata duan paqe
Shefi i stafit në kabinetin e Presidentes së Kosovës, Blerim Vela, ka reaguar lidhur me zhvillimet e fundit në vend.
Përmes një postimi në “Twitter”, Vela është shprehur se në protestën e sotme të thirrur nga Lista Serbe në veri të Mitrovicës, nuk kishte shumë pjesëmarrës duke marrë parasysh numrin e banorëve serbë në Kosovë.
Kjo pasi që, sipas tij, edhe ata serbë njësoj si kushdo në Kosovë duan paqe dhe prosperitet.
“Serbët vendorë të Kosovës nuk i bashkohen masivisht protestës së organizuar nga Serbia në veri të Mitrovicës. Është e qartë se njerëzit atje, si kudo në Kosovë, duan paqe dhe prosperitet për familjet e tyre, dhe jo dhunë. Ata nuk duan të konsiderohen thjesht si material për t’u shpenzuar në luftë për regjimin e Vuçiqit”, ka shkruar Vela.
? Local Kosovo Serbs don’t join en masse the staged protest organized by #Serbia in north Mitrovica.
It is clear that people there, like elsewhere in #Kosovo, want peace & prosperity for their families, and not violence.
They don’t want to be cannon fodder for Vučić’s regime. pic.twitter.com/TEdrKEFBWw
— Blerim Vela (@Blerim_Vela) November 6, 2022
