Vëllaznimi i Gjakovës bëhet me sponzor
Banka Ekonomike është bërë sponsor i KF Vëllaznimi i Gjakovës.
Kështu është bërë e ditur nga vet Banka Ekonomike përmes një njoftimi nga faqja zyrtare e Bankës.
Njoftimi i plotë:
Banka Ekonomike bëhet sponsor i KF Vëllaznimi i Gjakovës
Klubi Futbollistik Vëllaznimi u themelua në vitin 1927 me emrin “Shpata e Kosovës” nga Faik Dushi.
Pos tij ne historikun e klubit gjakovare janë tè shënuar edhe emrat e Selim Muhaxhirit, Sokol Dobroshit, Ismet Stavilecit, Qazim Damonages e disa të tjerë. Këta ishin nismëtaret e klubit, por edhe futbollistet e parë të cilët në ndeshjen promovuese mposhten ekipin e Prizrenit, me rezultate 2-0.
Dy vite më vonë, klubi ndërroj emrin “Pashtriku”, por edhe ky emër nuk u trashëgua shumë, vetëm deri më 1941.
Një dekade më vonë skuadra emërohet me emrin që mban edhe sot e kësaj dite, KF Vëllaznimi.
KF Vëllaznimi nga Gjakova nuk ka pasur rastin të luaje në Ligën e Kampioneve apo në ate të UEFA-së, mirëpo lojtarët dhe talentet që dolën nga ky klub kane luajtur në Champions si dhe ne Kampionatin Botëror 1998.
Në emër të Bankës Ekonomike, Drejtori i degës Gjakovë, Mentor Nela ka premtuar mbështetjen e mëtejmë, me qellim që të krijohen kushte sa më të favorshme për zhvillim dhe rritje të cilësisë së sportit.
Banka Ekonomike
Mendon për ty!