Veprimtari Sali Bislimi, i cili jeton dhe vepron në Zvicër, një ditë para protestës, i ka shkruar letër zyrës së Prokurorit të Gjykatës Speciale.

Bislimi përmes kësaj letre ka kërkuar lirimin e ish-presidentit Hashim Thaçi.

“Shmangni një gjyq të padrejtë dhe politik. Lirojeni një ish-president, i cili vetëm sa ka çliruar një popullsi shqiptare e dënuar me poshtërim dhe represion serb. Shumica e vendeve evropiane dhe ndërkombëtare mbështesin pranimin e Kosovës në Evropë, falë veprimeve të ish-presidentit Hashim Thaçi. Dënimi i tij do ta anulonte pa kushte dhe pa rezerva këtë angazhim evropian”, ka shkruar Bislimi në “Facebook”, ku ka treguar qëllimin e kësaj letre.

Postimi i plotë i Bislimit:

Letër Prokurorisë në Gjykatën Speciale!

Z. Prokuror,
Si kryetar i OJQ “Zëri Perëndimor të Kosovës” dhe drejtues i zyrës ligjore First-consulting.ch me seli në Bernë (CH) dhe me një degë në Kantonin e Jura, 2800 Delémont (CH/Zvicër), kërkoj vëmendjen tuaj.
Si mbrojtës i zjarrtë i Kosovës, çlirimi i së cilës nga sundimi serb u arrit nëpërmjet vuajtjeve të një lufte vrasëse dhe barbare, me një grup te miqve që unë përfaqësoj do të protestojë paqësisht të dielën, më 14 shtator 2025, para Tribunalit Ndërkombëtar në Hagë.
Qëllimi i deklaruar i kësaj proteste është të ofrojmë mbështetje ligjore dhe morale për ish-presidentin tonë, i cili vetë ka zgjedhur të dalë në gjyq para autoritetit tuaj, pavarësisht mendimeve të ndryshme dhe bindjeve të vendit të tij.
Aktualisht, ish-presidenti Hashim Thaçi është i burgosur dhe i izoluar, duke pritur një vendim gjyqësor që po vjen ngadalë.
Ne dëshirojmë të rikonfirmojmë besimin dhe besnikërinë tonë ndaj çlirimtarit tonë, fati i të cilit varet nga ju.
Qëndrimi ynë mund të përmblidhet në një fjali: “Shmangni një gjyq të padrejtë dhe politik. Lirojeni një ish-president, i cili vetëm sa ka çliruar një popullsi shqiptare e dënuar me poshtërim dhe represion serb.
Shumica e vendeve evropiane dhe ndërkombëtare mbështesin pranimin e Kosovës në Evropë, falë veprimeve të ish-presidentit Hashim Thaçi. Dënimi i tij do ta anulonte pa kushte dhe pa rezerva këtë angazhim evropian”.
Ju lutem pranoni, z. Prokuror, përshëndetjet me konsideratën time më të lartë.
“Zërin Perëndimor të Kosovës”,
Sali Bislimi, kryetar!