Kampioni i trefishtë i botës në Formula 1, Max Verstappen, së fundmi u gjend në një situatë të pazakontë dhe, duhet të themi, disi komike.

Verstappen ishte me pushime në Portugali me familjen dhe miqtë e tij dhe donte të merrte me qira një makinë të tipit Mercedes AMG GT, por nuk iu lejua sepse nuk ishte mjaft i rritur.

Gjegjësisht, sipas rregullave që ndjek agjencia ‘rent-a-car’, personat nën moshën 30 vjeçare nuk lejohen të ngasin vetura kaq të shpejta, sepse shpejtësia maksimale për AMG GT është rreth 310 km/h.

Verstappen është 26 vjeç dhe duket se nuk i ka ndihmuar as të qenit tre herë më i miri në botë në Formula 1 për t’iu lëshuar kjo veturë.

Në fund iu desh të dorëzohej dhe të merrte me qira një BMW seria 5. Ai rezervoi paraprakisht një AMG GT, por ‘fytyra’ e tij ende tha se nuk mund ta merrte me qira për shkak të moshës.

“Punonjësit në biznesin tonë portugez respektuan vetëm rregullat që ekzistojnë për sigurimin. Për të gjetur një zgjidhje në vend, zotit Verstappen iu dha një automjet tjetër Premium”, ka thënë një burim nga agjencia e makinave me qira.