Veseli: Pensionimi i parakohshëm dhe sigurimi shëndetësor i policëve do të adresohen së shpejti

11 korrik 14:44

Kryetari i Kuvendit të Kosovës, Kadri Veseli, ka vizituar të enjten drejtuesit e Policisë së Kosovës, dhe i ka përgëzuar ata për punën profesionale të tyre në zbatimin e ligjit në Kosovë.

Veseli nëpërmjet llogarisë së vet në “Facebook” ka shkruar se duhet të punohet edhe më shumë që Kosova të jetë shembull i sundimit të ligjit, ku secili do trajtohej në mënyrë të barabartë.

“Drejtuesit e Policisë së Kosovës i përgëzova sot për punën e jashtëzakonshme në zbatimin e ligjit në gjithë territorin e Kosovës dhe krijimin e një ambienti më të sigurt për qytetarët tanë. Duhet të punojmë edhe më shumë që Kosova të jetë shembull i sundimit të ligjit, ku secili trajtohet në mënyrë të barabartë dhe të jemi të pakompromis në luftën kundër krimit dhe korrupsionit. Diskutuam edhe për kërkesat që pjesëtarët e Policisë së Kosovës kanë për pensionimin e parakohshëm, sigurimin jetësor dhe sigurimin shëndetësor. Këto janë tri segmente tejet të rëndësishme për këtë institucion dhe ne do t’i adresojmë shumë shpejt ato”, ka shkruar Veseli.

/Epoka e re/

Image may contain: one or more people, people sitting, table and indoorImage may contain: 4 people, people standing, suit and indoorImage may contain: 3 people, people standing

Lajme të sponsorizuara

Të fundit
Mesfushori gjerman i Juventusit, Sami Khedira mund të transferohet në…