Veteranët e luftës në Bosnje i bllokojnë rrugët

01 mars 12:17

Veteranët e luftës kanë bllokuar rrugët në disa pjesë të Bosnje dhe Hercegovinës për të kërkuar përfitime shtesë.

Mediet në Bosnje raportojnë se veteranët e luftës së viteve 1992-95, në mënyrë paqësore, i përfunduan bllokadat në Federatën Myslimano-Kroate të vendit, mëngjesin e sotëm.

Protesta ka nisur të mërkurën dhe ka bërë që mijëra njerëz të mbeten të bllokuar në automjetet e tyre, në temperatura të ftohta.

Që nga përfundimi i luftës, Bosnja përbëhet nga dy entitete të ndara: Federata Myslimano-Kroate dhe Republika Sërpska. Të dyja i kanë qeveritë e tyre.

Ish-luftëtarët e Ushtrisë Boshnjake dhe Këshillit Kroat të Mbrojtjes kanë bllokuar rrugët në Tuzlla, Zenica dhe Doboj, si dhe rrugën nga Sarajeva për në Konjiq.

Veteranët protestues u bëjnë thirrje ligjvënësve t’i përgjigjen kërkesës së tyre për 326 marka në muaj përfitim për veteranët e papunësuar.

Ata po ashtu kërkojnë një regjistër të unifikuar të atyre që kanë luftuar në luftë.

Kryeministri i Federatës Myslimano-Kroate, Fadil Novalliq, ka pohuar në një konferencë për media se Federata nuk mund t’i përballojë përfitimet shtesë për veteranët.

Lajme të sponsorizuara

Të fundit
Ish ministri i Financave në Greqi, tani profesor në shkencat…