Vuçiqi: Dialogu vazhdon pasi Kosova të tërheq vendimin për taksat

08 nëntor 20:47

Ka përfunduar pa ndonjë marrëveshje takimi në Bruksel ndërmjet presidentëve të Kosovës dhe Serbisë, Hashim Thaçi e Aleksandar Vuçiq.

Edhe ky takim është lehtësuar nga Përfaqësuesja e Lartë e Bashkimit Evropian, Federica Mogherini.

Pas takimit, presidenti i Serbisë, Aleksandar Vuçiq, tha se nuk ka dialog me Kosovën përderisa nuk tërhiqet taksa e vendosur nga Qeveria e Kosovës prej 10 për qind ndaj produkteve nga Serbia dhe Bosnjë e Hercegovina.

“Serbia është e gatshme për dialog, por para saj dikush duhet të sillet me përgjegjësi. Mos të vendosë tarifa të reja, nëse nuk e respektojnë një marrëveshje, si mund t’i respektojnë të tjerat. Nuk janë në gjendje të formojnë Asociacionin, nuk mund të respektojnë CEFTA-n, atëherë çka mund të respektojnë nga marrëveshjet e Brukselit”, ka thënë Vuçiq.

Ai ka thënë se nuk ka folur për shkëmbim territoresh asnjëherë, mirëpo do të vazhdojë dialogun për të parë se çfarë fiton Serbia nga ky proces.

Lajme të sponsorizuara

Të fundit
Ka përfunduar takimi trepalësh në Bruksel mes presidentit të Republikës…