Arsene Wenger thotë se Arsenal nuk arriti të nënshkruante me Cristiano Ronaldon kur ai ishte një adoleshent, pasi klubi nuk ishte gati të paguante 15 milionë eurot që eventualisht u paguan nga Manchester United.

Wenger ishte një nga trajnerët e parë që dalloi potencialin e madh të portugezit, por pendohet që nuk e mori tek Arsenal. “Ai erdhi këtu bashkë me mamanë, Znj. Doloresa”, ka thënë Wenger. “Më pas erdhi Unitedi dhe në atë kohë ishte Calros Querioz pjesë e stafit teknik. Unitet luajti ndaj Sportingut dhe Ronaldo luajti shkëlqyeshëm dhe ata e blenë. Gjithmonë ka gjëra që mund të ishin bërë ndryshe. Por negociatat janë të ndërlikuara dhe ishte një moment që po flisnim për 5 milionë euro. Por Unitedi ishte gati të paguante 15 milionë euro, një shifër që nuk mund ta paguanim në atë kohë”, ka deklaruar Wenger.