Barcelona ka shënuar fitore ndaj Paris Saint-Germainit, me rezultat 3-2, në mbrëmjen e së mërkurës në kuadër të Ligës së Kampionëve.

Pas ndeshjes është deklaruar trajneri i Barçës, Xavi, i cili ka thënë se pavarësisht rezultatit nga sfida e parë, PSG-ja mbetet favorite.

“Besoj se PSG mbetet favorit. E kemi ngushtuar diferencën sepse në mbrojtje kemi qenë solidë. Jam shumë krenar sepse ishte një fitore e madhe kundër një prej skuadrave më të mira në botë. Jemi në gjysmë të rrugës”, u shpreh Xavi.

Ai gjithashtu hodhi lëvdata ndaj Raphinas, i cili realizoi dy gola në këtë takim. Përndryshe, ndeshja e kthimit do të zhvillohet pas një jave.