Xhaferi: Maqedonia, mbështet normalizimin e raporteve Kosovë-Serbi

23 maj 16:22

Vendi i Maqedonisë dhe Serbisë është në Bashkimin Evropian (BE). Dy vendet janë të gatshme që t’i plotësojnë obligimet e veta që të bëhen pjesë e familjes evropiane.

Ky ka qenë qëndrimi i përbashkët i kryeparlamentarit të Republikës së Maqedonisë dhe Republikës së Serbisë, Talat Xhaferi dhe Maja Gojkoviq, gjatë takimit të tyre të përbashkët në Beograd.

Kryeparlamentari Xhaferi ka thënë se Maqedonisë mbështet normalizimin e marrëdhënieve në mes të Kosovës dhe Serbisë

“Maqedonia mbështet Serbinë në normalizimin e raporteve me Kosovën, që çon drejt ruajtjes së stabilitetit në rajon”, ka thënë Xhaferi.

Sipas kryeparlamentarit Xhaferi edhe përkundër dallimeve për disa çështje, kjo nuk paraqet pengesë për përparimin e dialogut dhe thellimin e bashkëpunimit rajonal dhe multilateral midis dy vendeve.

“Maqedonia dhe Serbia do të punojnë për një paraqitje të përbashkët në tregjet e huaja dhe në promovimin e turizmit dhe tërheqjet e investimeve”, ka deklaruar Xhaferi.

Fjalët Kyçe:

Lajme të sponsorizuara

Të fundit
Ministri i Kulturës, Rinisë dhe Sportit (MKRS), Kujtim Gashi, ka…