Yllka Behluli ka dhënë dorëheqje nga posti i kryetares së Gruas së Nismës Socialdemokrate në Gjilan.

Ajo përmes një postimi në llogarinë e saj në “Facebook”, ka shkruar se që nga ky moment do ta pushojë aktivitetin e saj si kryetare e Gruas së Nismës Socialdemokrate në Gjilan dhe si anëtare e Këshillit Kombëtar.

“Pas dorëheqjes së kryetarit Bajram Hasani nga të gjitha funksionet në këtë subjekt nuk na mbetet më vend për punë aty”, ka shkruar ajo.

Postimi i plotë i saj:

E nderuar shoqëri,

Që nga ky moment edhe unë do ta pushoj aktivitetin tim si kryetare e Gruas së NISMA Socialdemokrate në Gjilan dhe si anëtare e Këshillit Kombëtar.

Pas dorëheqjes së kryetarit Bajram Hasani nga të gjitha funksionet në këtë subjekt nuk na mbetet më vend për punë aty.

Nuk e kemi të lehtë të lëmë pas gjithë atë mund, djersë e sakrificë, por kështu ndodhë kur drejtuesit e partisë harrojnë se pas pak kohësh do tu duhet sërish puna dhe vota jonë.

Faleminderit të gjithëve për përkrahjen!

Do të jemi gjithmonë krah i qytetarëve por kësaj here diku ku vlerësohet puna!

Çdo të mirë nga Yllka Behluli