Presidenti i Ukrainës, Volodymyr Zelenskiy, u ka kërkuar vendeve perëndimore që të ndalojnë hyrjen e të gjithë qytetarëve rusë.

Në një intervistë për “Washington Post”, Zelensky tha se sanksionet më të rëndësishme kundër Rusisë do të ishin mbyllja e kufijve, “sepse rusët po ia marrin tokën dikujt tjetër”.

Ai tha se rusët duhet “të jetojnë në botën e tyre derisa ta ndryshojnë filozofinë e tyre”.

Zelensky ka përjashtuar çdo bisedë paqeje me Rusinë nëse Rusia vazhdon referendumet në zonat e pushtuara. Ai këtë e tha pasi një pjesë e rajonit Zaporizhzhia, e pushtuar nga Rusia, nënshkroi një dekret të hënën që parasheh një referendum për bashkimin me Rusinë.