Roberto Mancini ka publikuar sot listën me 28 futbollistët që do të grumbullojë për dy ndeshjet e radhës, miqësoren me Ukrainën dhe sfidën ndaj Polonisë, të vlefshme për Ligën e Kombeve.

Për befasinë e të gjithëve, rikthehet në kombëtaren italiane Sebastian Giovinco i cili luan në MLS me skuadrën e Torontos, ndërsa është thirrur për herë të parë edhe sulmuesi i Sampdorias, Gianluca Caprari.

Ndërkohë, këtë herë trajneri Mancini ka vendosur të lërë jashtë listës së të grumbulluarve Mario Balotellin, i cili nuk ka bindur në dy ndeshjet e shtatorit, por edhe sulmuesin e Torinos, Andrea Belloti që nuk po kalon formë të mirë.

Lista e plotë e të ftuarve:

Portierë: Cragno (Cagliari), Donnarumma (Milan), Perin (Juventus), Sirigu (Torino)

Mbrojtës: Acerbi (Lazio), Biraghi (Fiorentina), Bonucci (Juventus), Chiellini (Juventus), Criscito (Genoa), D’Ambrosio (Inter), Emerson Palmieri (Chelsea), Florenzi (Roma), Romagnoli (Milan)

Mesfushorë: Barella (Cagliari), Bernardeschi (Juventus), Bonaventura (Milan), Gagliardini (Inter), Jorginho (Chelsea), Pellegrini (Roma), Verratti (Psg)

Sulmues: Berardi (Sassuolo), Caprari (Sampdoria), Chiesa (Fiorentina), Cutrone (Milan), Giovinco (Toronto), Immobile (Lazio), Insigne (Napoli), Zaza (Torino).  (KP)