Futbollisti Jordan Henderson ka nënshkruar dje për skuadrën e Ajaxit.

Hendersoni ka nënshkruar kontratë me holandezët deri në qershor të vitit 2026.

Mesfushori anglez rikthehet në Evropë, pas një aventure të shkurtë në futbollin arab tek Al-Ettifaq, me të cilët ka shkëputur kontratën.

Pasi ka nënshkruar me gjigantin holandez, Hendersoni ka thënë se ai dhe skuadra e tij e re kanë pasur vit të vështirë, megjithatë ka potencuar se ai dëshiron t’i ndihmojë skuadrës për të kaluar periudhën e vështirë.

Ende pa u bërë një ditë e plotë, sipas faqes “Ajax Life”, fanella e futbollistit anglez është shitur më së shpejti në histori të klubit holandez.

Jordan Henderson mund të debutojë me Ajaxin të dielën, kur ballafaqohen me Waalwijk në shtëpi.