Zëdhënësi i policisë për rajonin e Pejës, Fadil Gashi, konfirmoi se sot rreth orës 14:55 policia është njoftuar për një vetaksident në fshatin Gremnik – komuna e Klinës. Sipas tij, në aksident ka qenë i përfshirë viktima dhe një traktor, i cili është rrokullisë.

“Në vendin e ngjarjes ka dalë policia, mjeku kujdestar në vendin e ngjarjes e ka konstatu vdekjen e viktimës, gjithashtu prokurori ka urdhëruar që trupi i pajetë të dërgohet në IML”, tha Gashi.

Bëhet e ditur se 42 vjeçari është Ardian Kalludra nga fshati Gremnik që humbi sot jetën pasi u rrokullis me traktor.

Ndërkohë, Klina Info ka publikuar foton e viktimës, 42-vjeçarit tashmë të ndjerë.

Poashtu ky medium ka publikuar edhe pamje nga vendi i ngjarjes ku ndodhi vetaksidenti fatal.