arcelona ka bërë një propozim interesant në kuadër të negociatave me Manchester Cityn për transferimin e Rodrit.

Sipas raportimeve të El Nacional, klubi katalanas ka ofruar mundësinë që Frenkie de Jong të përfshihet në marrëveshjen për mesfushorin spanjoll. Barcelona synon ta përdorë holandezin si pjesë të ofertës për të bindur Manchester Cityn të pranojë largimin e Rodrit këtë verë.

Rodri konsiderohet një nga objektivat kryesorë të Barcelonës për përforcimin e repartit të mesfushës, ndërsa bisedimet mes dy klubeve raportohet se janë duke vazhduar.

Megjithatë, mbetet për t’u parë nëse Manchester City do të jetë i interesuar për De Jongun si pjesë e një marrëveshjeje shkëmbimi, apo nëse kampionët anglezë do të kërkojnë që transferimi i Rodrit të realizohet përmes një tarife të drejtpërdrejtë.

Në rast se marrëveshja do të konkretizohej, një transferim i tillë do të përbënte një nga lëvizjet më të bujshme të merkatos së verës.