Kryetari i Odës Ekonomike të Kosovës, Lulzim Rafuna, ka pritur në takim përfaqësueset e Shoqatës së Grave “DITË”, e cila i është bashkuar zyrtarisht Odës Ekonomike të Kosovës.

Gjatë takimit u diskutua për bashkëpunimin, krijimin e mundësive të reja për zhvillimin e sipërmarrjes, fuqizimin ekonomik të grave, si dhe përfaqësimin më të fuqishëm të interesave të anëtareve të shoqatës.

Me rreth 200 anëtare, Shoqata “DITË” sjell një kontribut të rëndësishëm në komunitetin e biznesit dhe në avancimin e rolit të grave në ekonomi.

Oda Ekonomike e Kosovës i uron mirëseardhje Shoqatës “DITË” dhe shpreh bindjen se ky partneritet do të krijojë mundësi të reja për bashkëpunim, zhvillim dhe fuqizim të grave në biznes.