Drejtori sportiv i Barcelonës, Deco, ka zbuluar prapaskenën e operacionit të transferimit të Rodrit nga Manchester City gjatë verës.

Gjigantët katalunas e mposhtën Real Madridin në garën për 30-vjeçarin, i cili ka kushtuar rreth 75 milionë euro së bashku me bonuse.

Por, si erdhi transferimi i tij në “Camp Nou”, vetëm tani e ka zbuluar drejtori sportiv i Barcelonës, Deco.

“Disa muaj më parë, ne nuk po merrnim në konsideratë një transferim sepse mendonim se ai nuk do të largohej nga City”.

“Ai kishte edhe një vit në kontratën e tij. Mendonim se do ta rinovonin, por kur dëgjuam se Rodri mund të largohej nga City, fola me Hugo Vianën dhe e telefonova për të mësuar nëse ishte e vërtetë”, ka thënë fillimisht Deco,

“Ai më tha se kishte një ofertë për të rinovuar kontratën, por nëse vinte një ofertë tjetër, ata nuk do të ishin në gjendje ta mbanin”.

“Ia treguam menaxherit për këtë mundësi dhe ai tha po. Pastaj, folëm me agjentin e tij. Real Madrid? Do të duhej të flisnim me të për këtë”, ka përfunduar drejtori sportiv i Barcelonës.