Barcelona vazhdon ta shohë Mikel Artetën si një nga opsionet kryesore për trajner të ardhshëm të klubit, pas përfundimit të epokës së Hansi Flickut.

Sipas gazetarit Graeme Bailey, në Barcelonë ende besojnë se një ditë mund ta emërojnë Artetën në krye të skuadrës.

Trajneri i Arsenalit prej kohësh është lidhur me një kalim të mundshëm te Barcelona, ndërsa drejtuesit katalunas e vlerësojnë profilin dhe filozofinë e tij të punës.

Megjithatë, aktualisht Flick vazhdon të jetë trajner i Barcelonës dhe nuk ka ndonjë vendim të afërt për ndryshim në pankinë.