Platforma qytetare “Liria Ka Emër” ka ftuar bashkatdhetarët t’i bashkohen protestave të shqiptarëve në qytete të ndryshme të Evropës më 26 dhe 27 shtator, për të kundërshtuar vendimin e Hagës ndaj liderëve të UÇK-së.

Po ashtu, platforma ka ftuar qytetarët t’i bashkohen protestës masive kundër këtij vendimi, më 1 tetor në Prishtinë, nga ora 16:00.

Në njoftim është thënë se, nën moton “Jo në emrin tim”, përmes këtyre protestave do të bëhet thirrje për drejtësi dhe dinjitet për liderët e UÇK-së.