Pritet takimi Kurti-Hamza, a do të arrihet ujdia për presidentin dhe propozimin e PDK-së për Specialen?
Një takim mes kryeministrit në detyrë, Albin Kurti, dhe kryetarit të PDK-së, Bedri Hamza, është planifikuar të zhvillohet sot, të dielën.
Burime të IndeksOnline bëjnë me dije se takimi është konfirmuar dy ditë më parë. Megjithatë, deri në momentin e publikimit të këtij shkrimi, nuk dihet nëse takimi është zhvilluar tashmë apo pritet të ndodhë gjatë ditës.
Takimi i paraprin seancës së nesërme, ku pritet të votohet një deklaratë lidhur me gjykimin në Hagë.Pashmangshëm, pjesë e diskutimeve pritet të jetë edhe zgjedhja e presidentit të ri të vendit.
Në anën tjetër, PDK-ja është e fokusuar në miratimin e projektligjit për Gjykatën Speciale.
Sipas vendimit të Gjykatës Kushtetuese, partitë kanë kohë deri më 6 tetor për të zgjedhur presidentin e vendit. Në të kundërtën, vendi shkon në zgjedhje.
