Me datë 3 nëntor 1443 është një datë historike për Shqipërinë. Skënderbeu me këtë datë la betejën e Nishit dhe u nis për në Krujë, ku më pas luftoi kundër osmanëve për 25 vjet me radhë.

Epoka e Skënderbeut e shekullit XV dhe vetë figura e tij ndikoi fuqishëm në jetën shpirtërore të shqiptarëve dhe në rritjen e vetëdijes kombëtare të tyre.

Nën udhëheqjen e Skënderbeut lufta e shqiptarëve u ngrit në një shkallë më të lartë e më të organizuar dhe shënoi një kthesë vendimtare në zhvillimin politik të Shqipërisë.

Skënderbeu u shndërrua në simbol të luftës për liri e pavarësi.

Ai mbetet heroi më i madh i shqiptarëve dhe themeluesi i shtetit mesjetar shqiptar.