Merkeli: “Ditë e vështirë” në bisedimet për koalicionin gjerman

11 janar 11:05

Kancelarja gjermane, Angela Merkel, ka thënë se blloku i saj konservator dhe social-demokratët vazhdojnë të kenë pengesa që duhet të qartësohen, përpara se të hyjnë në bisedime formale për koalicionin.

Duke folur në ditën e fundit të bisedimeve eksploruese, Merkeli ka thënë se do të jetë “një ditë e vështirë”, porse ajo “do të angazhohet me gjithë energjinë”.

Merkeli ka theksuar se gjermanët presin rezultate. Më shumë se tre muaj pas zgjedhjeve federale, Gjermania nuk ka ende qeveri.

Merkeli, e cila synon mandatin e katërt si kancelare, mbështet shpresat te bisedimet e suksesshme me social-demokratët, për formimin e “koalicionit të madh”.

Një koalicion i ngjashëm e ka udhëhequr Gjermaninë, ekonominë më të madhe në Evropë, nga viti 2013 deri më 2017. (Rel)

Fjalët Kyçe:

Lajme të sponsorizuara

Të fundit
Viti 2017 ka qenë viti i sukseseve për shumë këngëtarë…