Presidentja e Kosovës, Vjosa Osmani, ka njoftuar  se ka patur rastin të bisedonte me sekretarin e Përgjithshëm të NATO-s, Mark Rutte gjatë aktiviteteve të saj në Shtetet e Bashkuara të Amerikës (ShBA).

Me Rutte, Osmani ka thënë se biseduan lidhur me situatën e sigurisë në vend dhe rolin e KFOR-it në ruajtjen e paqes.

“Në kuadër të aktiviteteve në ShBA, bisedova me Sekretarin e Përgjithshëm të NATO-s, z. Mark Rutte, lidhur me situatën e sigurisë në vendin tonë si dhe rolin e rëndësishëm të misionit të NATO-s në ruajtuen e paqes dhe sigurisë në rajon”.

“Kosova mbetet e përkushtuar në rrugën drejt anëtarësimit në NATO dhe për një të ardhme të sigurt për të gjithë qytetarët tanë”, ka shkruar Osmani në “Facebook”.