Edon Hysenaj është kandidat i AAK-së për Asamblenë Komunale në Pejë në zgjedhjet e 12 tetorit.

Ai në listën e AAK-së mban numrin 11.

Në një postim në Facebook ka treguar arsyen e kandidimit për Asamblenë Komunale të Pejës.

“I rritur në një familje me traditë atdhedashurie dhe përkushtimi ndaj vendit, jam udhëhequr nga vlerat e punës së ndershme dhe shërbimit ndaj komunitetit. Sot, me përvojën time profesionale dhe qytetare, jam i përkushtuar për: • zhvillim lokal e ekonomik, • përmirësim të jetës së qytetarëve, • transparencë dhe mbrojtje të interesit publik”, ka shkruar ai.

Postimi i plotë i tij:

Të nderuar qytetarë të Pejës,

Unë, Edon Hysenaj, kandidat për Asamblenë Komunale të Pejës me numrin 11 nga Aleanca për Ardhmërinë e Kosovës (AAK), kam vendosur të angazhohem për një përfaqësim të denjë dhe të ndershëm.

I rritur në një familje me traditë atdhedashurie dhe përkushtimi ndaj vendit, jam udhëhequr nga vlerat e punës së ndershme dhe shërbimit ndaj komunitetit. Sot, me përvojën time profesionale dhe qytetare, jam i përkushtuar për:
• zhvillim lokal e ekonomik,
• përmirësim të jetës së qytetarëve,
• transparencë dhe mbrojtje të interesit publik.

Ju ftoj të më besoni votën tuaj për një Pejë më të zhvilluar.

Me respekt, Edon Hysenaj