Katër persona vdiqën pasi 14 persona u qëlluan me armë zjarri në një takim familjar në Stockton në Kaliforninë veriore të shtunën në mbrëmje, tha policia.

Të shtënat ndodhën në festën e ditëlindjes së një fëmije, tha nënkryetari i bashkisë së Stocktonit, Jason Lee, në një postim në Facebook.

“Jam në kontakt me stafin dhe zyrtarët e sigurisë publike për të kuptuar saktësisht se çfarë ka ndodhur dhe do të kërkoj përgjigje”, tha ai, shkruan Reuters, transmeton Klankosova.tv.

Policia tha se mori raportime pak para orës 18:00 sipas orës lokale (02:00 GMT) për një të shtënë me armë që ndodhi pranë bllokut 1900 të Lucile Avenue në Stockton.