Ish-kandidatja për deputete e PDK-së, Besa Ismaili, ka reaguar në lidhje me manipulimin e votave pas rinumërimin e votave në disa komuna.

Ajo ka shkruar në “Facebook” se kleptonumërimi është manipulim politik.

“Kur numrat deformohen, pushteti uzurpohet dhe sovraniteti qytetar vjedhet. Manipulimi i votës është krim politik dhe duhet trajtuar si i tillë. Heshtja institucionale e bën shtetin bashkëfajtor. Bashkëfajësia e shtetit qëndron në mos-sigurimin e drejtësisë zgjedhore. Dhe një gjë dihet: pa drejtësi zgjedhore nuk ka demokraci! Drejtësia zgjedhore është përgjegjësi kushtetuese dhe ligjore e shtetit. Rinumërim!”, ka shkruar Ismaili.