Më 3 mars, ditë e martë, në Ditën Ndërkombëtare të Shkrimtarëve, në Bibliotekën “Hivzi Sulejmani” në lagjen Dardania në Prishtinë, me fillim nga ora 11:00-12:00, do të zhvillohet takim letrar me shkrimtarin Sabit Rrustemi.

Autor i librave me prozë e poezi, publicist dhe organizator i ngjarjeve letrare, Rrustemi është i njohur si i pari (qoftë edhe i fundit) shkrimtar i cili është burgosur për letërsi. Këtij autori, po ashtu, në moshën 22 vjeçare i është ndaluar botimi për nëntë vjet.

Gjatë kësaj veprimtarie e cila shenjon edhe 45-vjetorin e demonstratave të studentëve të vitit 1981, do të lexohen kumtesa nga emra të njohur të studimeve dhe kritikës letrare, do të deklamohen poezi nga autori dhe do të dhurohen libra.